സ്കൂൾ തുറക്കാൻ ദിവസങ്ങളിരിക്കെ മൊഗ്രാൽ സ്കൂൾ റോഡിൽ വെള്ളക്കെട്ട്; രക്ഷിതാക്കളും, വിദ്യാർത്ഥികളും ആശങ്കയിൽ
മഴക്കാലം തുടങ്ങിയതാണോ, വേനൽ മഴയാണോ എന്നതിൽ സ്ഥിതീ കരിച്ചിട്ടില്ലെങ്കിലും കഴിഞ്ഞ രണ്ടുമൂന്നു ദിവസങ്ങളിലായി പെയ്ത മഴയിൽ തന്നെ മൊഗ്രാൽ സ്കൂൾ റോഡിൽ വെള്ളക്കെട്ട് ഉണ്ടായതാണ് രക്ഷിതാക്കളെയും, വിദ്യാർത്ഥികളെയും ആശങ്കപ്പെടുത്തുന്നത്. മൊഗ്രാൽ ടൗണിൽ നിന്ന് സ്കൂളിലെത്താനുള്ള പിഡബ്ല്യുഡി റോഡാ ണിത്.
ദേശീയപാത നിർമ്മാണവുമായി ബന്ധപ്പെട്ട് ഓവുചാലിന്റെ ഉയരം കൂടിയതാണ് സ്കൂൾ റോഡിൽ വെള്ളക്കെട്ടിന് കാരണമായത്. വെള്ളം ഓവുചാലിലേക്ക് ഒഴുക്കി വിട്ടാൽ തീരുന്ന പ്രശ്നമേ ഉള്ളൂവെങ്കിലും അധികൃതരുടെ ഭാഗത്തുനിന്ന് നടപടികൾ ഉണ്ടായിട്ടില്ല. വെള്ളക്കെട്ട് തൊട്ടടുത്ത വ്യാപാരസ്ഥാപനങ്ങൾക്കും ദുരിതമാകുന്നുണ്ട്.
വാഹനങ്ങൾ പോകുമ്പോൾ ചളി വെള്ളം തെറിക്കുന്നത് വ്യാപാരസ്ഥാപനങ്ങളിലേക്കാണ്. വിഷയത്തിൽ പിടിഎയും, വ്യാപാരികളും, സന്നദ്ധ സംഘടനകളും യുഎൽസിസി അധികൃതരെ സമീപിക്കുമെന്ന് അറിയിച്ചിട്ടുണ്ട്.
Post a Comment