മഞ്ചേശ്വരം ഉപതെരഞ്ഞെടുപ്പ്; വോട്ടിങ് യന്ത്രങ്ങളുടെ പ്രാഥമിക പരിശോധന ഇന്ന്
കാസർഗോഡ് (True News, Sept 25, 2019): മഞ്ചേശ്വരം നിയമസഭാ ഉപതെരഞ്ഞെടുപ്പിനുള്ള വോട്ടിംഗ് യന്ത്രങ്ങള് കളക്ടറേറ്റില് എത്തി. തെരഞ്ഞെടുപ്പിനു വേണ്ടിയുള്ള 400 വിവിപാറ്റ്, 400 കണ്ട്രോള് യൂണിറ്റ്, 400 ബാലറ്റ് യൂണിറ്റ് എന്നിവയാണ് എത്തിയത്.
വോട്ടിംഗ് യന്ത്രങ്ങളുടെ പ്രാഥമികപരിശോധന ഇന്നുരാവിലെ പത്തിന് കളക്ടറേറ്റില് നടക്കും. തെരഞ്ഞെടുപ്പ് വിഭാഗം ഡെപ്യൂട്ടി കളക്ടര് എ.കെ. രാമേന്ദ്രന്, രാഷ്ട്രീയ പാര്ട്ടികളുടെ പ്രതിനിധികള് തുടങ്ങിയവരുടെ സാന്നിധ്യത്തിലായിരിക്കും പരിശോധന.
ബംഗളൂരുവിലെ ഭെല് സ്ഥാപനത്തില് നിന്നുമുള്ള ഏഴുപേരടങ്ങിയ വിദഗ്ധസംഘത്തിന്റെ നേതൃത്വത്തിലായിരിക്കും പരിശോധന നടത്തുക. ഇതുമായി ബന്ധപ്പെട്ട മറ്റുപ്രവര്ത്തനങ്ങള്ക്കായി 25 ഓളം ജീവനക്കാരെയും നിയോഗിച്ചിട്ടുണ്ട്. എം 3 സീരീസില്പ്പെട്ട ഏറ്റവും പുതിയ വോട്ടിംഗ് യന്ത്രങ്ങള് കോയമ്പത്തൂരില് നിന്നുമാണ് ഉപതെരഞ്ഞെടുപ്പിനായി എത്തിച്ചത്. വോട്ടിംഗ് യന്ത്രങ്ങള് പോലീസ് നിരീക്ഷണത്തിലാണ് സൂക്ഷിച്ചിരിക്കുന്നത്.
Post a Comment