ബദിയഡുക്കയിൽ വിദേശ മദ്യവുമായി ഒരാൾ പിടിയിൽ
ബദിയഡുക്ക(True News, Sept 23, 2019): ബാഫിയഡുക്കയിൽ 11.250 ലിറ്റര് കര്ണാടക നിര്മിത വിദേശമദ്യവുമായി ഒരാളെ എക്സൈസ് അറസ്റ്റ് ചെയ്തു. കുമ്പഡാജെ മല്ലമൂലയിലെ ബാബുവിനെ(69)യാണ് ബദിയഡുക്ക റെയ്ഞ്ച് എക്സൈസ് ഇന്സ്പെക്ടര് എസ്. ഷമീറിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ബാബുവിനൊപ്പമുണ്ടായിരുന്ന ഉദയൻ (40) എക്സൈസിനെ വെട്ടിച്ച് ഓടിരക്ഷപ്പെട്ടു. ബദിയഡുക്ക-മുള്ളേരിയ റോഡിലെ നെല്ലിയടുക്കം ബസ് കാത്തിരിപ്പുകേന്ദ്രത്തിന് സമീപത്തു നിന്ന് 750 മില്ലിയുടെ 15 കുപ്പി കര്ണാടക നിര്മിത വിദേശമദ്യവുമായി ബാബുവിനെ എക്സൈസ് സംഘം പിടികൂടുകയായിരുന്നു.
ബാബുവാണ് മദ്യം എത്തിച്ചുകൊടുക്കുന്നതെന്നും ഉദയന് വില്പ്പനക്കാരനാണെന്നും എക്സൈസ് പറഞ്ഞു. എക്സൈസിനെ കണ്ടു ബാബുവും ഉദയനും ഓടുന്നതിനിടെ ബാബുവിനെ പിടികൂടുകയാണുണ്ടായത്. രക്ഷപ്പെട്ട ഉദയനെ കണ്ടെത്താന് അന്വേഷണം ഊര്ജിതമാക്കി.
Post a Comment