സംസ്ഥാനത്ത് വ്യാഴഴ്ച വരെ മഴക്കും ശക്തമായ ഇടിമിന്നലിനും സാധ്യത; കാര്മേഘം കണ്ടുതുടങ്ങുന്ന സമയം മുതല്ത്തന്നെ മുന്കരുതലുകള് സ്വീകരിക്കാൻ നിർദേശം; ഇടിമിന്നൽ ശക്തമാകുന്നത് ഉച്ചക്ക് രണ്ടുമുതൽ രാത്രി പത്തു വരെ.
തിരുവനന്തപുരം (True News, Sept29,2019): കേരളത്തില് ഇപ്പോള് ലഭിക്കുന്ന മഴയോടനുബന്ധിച്ച് ഉച്ചയ്ക്കു ശേഷം ശക്തമായ ഇടിമിന്നലിന് സാധ്യതയുണ്ടെന്നും സുരക്ഷാ മുന്കരുതലുകള് സ്വീകരിക്കണമെന്നും സംസ്ഥാന ദുരന്ത നിവാരണ അതോറിറ്റി. ഉച്ചക്ക് രണ്ട് മണി മുതല് വൈകിട്ട് 10 മണിവരെയുള്ള സമയത്താണ് ശക്തമായ ഇടിമിന്നലിന് സാധ്യതയുള്ളതെന്നാണ് മുന്നറിയിപ്പ്. ഇത്തരം ഇടിമിന്നല് അപകടകാരികളാണെന്നും അവ മനുഷ്യജീവനും വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും വലിയ നാശനഷ്ടം സൃഷ്ടിക്കുന്നതാണെന്നും മുന്നറിയിപ്പില് പറയന്നു. സംസ്ഥാന ദുരന്ത നിവാരണ അതോറിറ്റി ഇടിമിന്നലിനെ ഒരു സംസ്ഥാന സവിശേഷ ദുരന്തമായി പ്രഖ്യാപിച്ചിട്ടുണ്ട്. അതിനാല് പൊതുജനങ്ങള് കാര്മേഘം കണ്ടുതുടങ്ങുന്ന സമയം മുതല്ത്തന്നെ മുന്കരുതലുകള് സ്വീകരിക്കേണ്ടതാണ്. ഇടിമിന്നല് ദൃശ്യമല്ല എന്നതിനാല് ഇത്തരം മുന്കരുതല് സ്വീകരിക്കുന്നതില് നിന്ന് വിട്ടുനില്ക്കരുത്. കുട്ടികള് ഉച്ചക്ക് രണ്ടു മണി മുതല് വൈകിട്ട് വൈകിട്ട് 10 മണിവരെയുള്ള സമയത്ത് തുറസായ സ്ഥലത്തും ടെറസ്സിലും കളിക്കുന്നത് ഒഴിവാക്കണം. തിരഞ്ഞെടുപ്പ് പ്രചാരണവുമായി ബന്ധപ്പെട്ട പ്രസംഗവേദികളില് ഇടിമിന്നലുള്ള സമയത്ത് നിന്നുകൊണ്ടുള്ള പ്രസംഗം ഒഴിവാക്കുക. ഇത്തരം സമയങ്ങളില് ഉയര്ന്ന വേദികളില് നില്ക്കാതിരിക്കുകയും മൈക്ക് ഉപയോഗിക്കരുത്.
അപകടം ഒഴിവാക്കാൻ
- ഇടിമിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക.
- മഴക്കാര് കാണുമ്പോള് തുണികള് എടുക്കാന് ടെറസിലേക്കോ മുറ്റത്തക്കോ ഉച്ചക്ക് രണ്ടു മണി മുതല് വൈകിട്ട് 10 മണി വരെയുള്ള സമയത്ത് പോകരുത്
- ഗൃഹോപകരണങ്ങളുടെ വൈദ്യുതി ബന്ധം വിഛേദിക്കുക.
- ജനലും വാതിലും അടച്ചിടുക
- ലോഹ വസ്തുക്കളുടെ സ്പര്ശനമോ സാമീപ്യമോ പാടില്ല. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക.
- ഫോണ് ഉപയോഗിക്കരുത്.
- ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക.
- കഴിയുന്നത്ര ഗൃഹാന്തര്ഭാഗത്ത് ഭിത്തിയിലോ തറയിലോ സ്പര്ശിക്കാതെ ഇരിക്കുക.
- ഇടിമിന്നലുള്ള സമയത്ത് ടെറസ്സിലോ മറ്റ് ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത് അപകടകരമാണ്.
- വീടിനു പുറത്താണങ്കില് വൃക്ഷങ്ങളുടെ ചുവട്ടില് നില്ക്കരുത്.
- വാഹനത്തിനുള്ളില് ആണങ്കില് തുറസ്സായ സ്ഥലത്ത് നിര്ത്തി, ലോഹ ഭാഗങ്ങളില് ലോഹ ഭാഗങ്ങളില് സ്പര്ശിക്കാതെ ഇരിക്കണം.
- ഇടിമിന്നല് ഉണ്ടാകുമ്പോള് ജലാശയത്തില് ഇറങ്ങുവാന് പാടില്ല. പട്ടം പറത്തുവാന് പാടില്ല.
- തുറസ്സായസ്ഥലത്താണങ്കില് പാദങ്ങള് ചേര്ത്തുവച്ച് തല, കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുക.
- മിന്നലിന്റെ ആഘാതത്താല് പൊള്ളല് ഏല്ക്കുകയോ കാഴ്ച്ചയോ കേള്വിയോ നഷ്ടമാവുകയോ ഹൃദയാഘാതം സംഭവിക്കയോ ചെയ്യാം. മിന്നലാഘാതം ഏറ്റ ആളിന്റെ ശരീരത്തില് വൈദ്യുത പ്രവാഹം ഇല്ല എന്ന് മനസ്സിലാക്കണം. അതിനാല് മിന്നലേറ്റ ആളിന് പ്രഥമ ശുശ്രൂഷ നല്കുവാന് മടിക്കരുത്. മിന്നല് ഏറ്റാല് ആദ്യ മുപ്പത് സെക്കന്റ് സുരക്ഷക്കായിട്ടുള്ള സുപ്രധാന നിമിഷങ്ങളാണ്
Post a Comment