വെൽഡിങ് തൊഴിലാളികളുടെ സത്യസന്ധത ; ഉബൈദിന് നഷ്ടപ്പെട്ട ഒന്നേ കാൽ ലക്ഷം തിരിച്ചുകിട്ടിയത് മണിക്കൂറുകൾക്കകം
ബദിയഡുക്ക(True News , Sept 27, 2019): വര്ക്ക്ഷോപ്പ് ജീവനക്കാരുടെ സത്യസന്ധത. കളഞ്ഞുകിട്ടിയ ഒന്നേകാല് ലക്ഷം രൂപ ഉടമയ്ക്ക് നല്കി. നാരംപാടിയിലെ വെല്ഡിംഗ് ഷോപ്പുടമയും ജീവനക്കാരും കടയ്ക്ക് മുന്നിലെ റോഡരികില്നിന്ന് കളഞ്ഞു കിട്ടിയ ഒന്നേകാല് ലക്ഷം രൂപ ബദിയഡുക്ക പോലീസിനെ ഏല്പ്പിച്ചു. വെല്ഡിംഗ് ഷോപ്പിന് മുന്വശം ഒരു പ്ലാസ്റ്റിക് റോഡില് വീണത് ഷോപ്പ് ഉടമയായ പ്രവീണ് കുമാര് ക്രാസ്തയുടെ ശ്രദ്ധയില്പ്പെട്ടു. അദ്ദേഹം അതെടുത്ത് തുറന്ന് നോക്കിയപ്പോള് പണമാണ് കണ്ടത്. ഉടനെ വിവരം വര്ക്ക് ഷോപ്പിലെ ജീവനക്കാരായ നവീന്, സുധ എന്നിവരെ അറിയിച്ചു.
നോട്ടിനൊപ്പം കണ്ട ഫോണ് നമ്പറില് ബന്ധപ്പെടാന് ശ്രമിച്ചെങ്കിലും സ്വിച്ച് ഓഫ് ആയിരുന്നു. ഉടമയെ കണ്ടെത്താന് മറ്റു മാര്ഗമൊന്നുമില്ലാത്തതിനാല് മൂവരും പണം പോലീസിനെ ഏല്പ്പിക്കുകയായിരുന്നു. പോലീസിന്റെ അന്വേഷണത്തില് അത് നാരംപാടി പുളിത്തടിയിലെ ഉബൈദിന്റെതാണെന്ന് കണ്ടെത്തുകയും പണം കൈമാറുകയും ചെയ്തു
Post a Comment