ജില്ലാ ശാസ്ത്രമേള : കാസറഗോഡ് ഉപജില്ലക്ക് കിരീടം; സ്കൂളുകളിൽ ചട്ടഞ്ചാൽ ഹയർ സെക്കന്ററി ഒന്നാമത്
ഉദുമ(True News, Oct23,2019): റവന്യൂ ജില്ലാ സ്കൂള് ശാസ്ത്രോത്സവത്തില് കാസര്ഗോഡ് ഉപജില്ലയ്ക്ക് മേല്ക്കൈ. 35 ഒന്നാംസ്ഥാനവും 182 എ ഗ്രേഡുമായി 1354 പോയിന്റ് നേടിയാണ് കാസര്ഗോഡ് ഒന്നാംസ്ഥാനത്തെത്തിയത്. 30 ഒന്നാം സ്ഥാനവും 161 എ ഗ്രേഡുമായി 1228 പോയിന്റ് നേടിയ ഹൊസ്ദുര്ഗാണ് രണ്ടാമത്. 25 ഒന്നാം സ്ഥാനവും 162 എ ഗ്രേഡുമായി 1191 പോയിന്റ് നേടി ചെറുവത്തൂര് മൂന്നാംസ്ഥാനത്ത് എത്തി.
സ്കൂളുകളുടെ വിഭാഗത്തില് 10 ഒന്നാം സ്ഥാനവും 47 എ ഗ്രേഡുമായി 348 പോയിന്റ് നേടി ഒന്നാംസ്ഥാനത്തെത്തിയ ചട്ടഞ്ചാല് ഹയര് സെക്കന്ഡറി സ്കൂളാണ് കാസര്ഗോഡിന് ഏറ്റവുമധികം പോയിന്റ് നേടിക്കൊടുത്തത്. എട്ട് ഒന്നാം സ്ഥാനവും 39 എ ഗ്രേഡുമായി 301 പോയിന്റോടെ കാഞ്ഞങ്ങാട് ദുര്ഗയാണ് സ്കൂളുകളില് രണ്ടാംസ്ഥാനത്ത്.
ശാസ്ത്രമേളയില് 132 പോയിന്റോടെ കാസര്ഗോഡ് ഒന്നാമതും 109 പോയിന്റോടെ ചെറുവത്തൂര് രണ്ടാം സ്ഥാനത്തുമാണ്. 77 പോയിന്റ് നേടിയ ബേക്കലാണ് മൂന്നാം സ്ഥാനത്ത്. സാമൂഹ്യശാസ്ത്രമേളയില് 142 പോയിന്റോടെ ഹൊസ്ദുര്ഗ് ഒന്നാമതും 133 പോയിന്റോടെ ചെറുവത്തൂര് രണ്ടാമതും 119 പോയിന്റ് നേടി കാസര്ഗോഡ് മൂന്നാമതുമെത്തി. പ്രവൃത്തിപരിചയമേളയില് 704 പോയിന്റോടെ ഹൊസ്ദുര്ഗ് ഒന്നാം സ്ഥാനവും 668 പോയിന്റോടെ കാസര്ഗോഡ് രണ്ടാം സ്ഥാനവും 609 പോയിന്റോടെ ചെറുവത്തൂര് മൂന്നാം സ്ഥാനവും നേടി. ഐടി മേളയില് 116 പോയിന്റ് നേടിയ കാസര്ഗോഡ് ഒന്നാമതും 106 പോയിന്റോടെ ചെറുവത്തൂര് രണ്ടാമതും 85 പോയിന്റുമായി ഹൊസ്ദുര്ഗ് മൂന്നാമതുമെത്തി.
ഉദുമ പഞ്ചായത്തിലെ മൂന്നു സ്കൂളുകളിലായാണ് ജില്ലാ ശാസ്ത്രോത്സവം നടന്നത്. ശാസ്ത്രമേള, ഐടി മേള, പ്രവൃത്തിപരിചയമേള എന്നിവ ഉദുമ ഗവ. ഹയര് സെക്കന്ഡറി സ്കൂളിലും ഗണിതശാസ്ത്രമേള ബാര ഗവ. ഹൈസ്കൂളിലും സാമൂഹ്യശാസ്ത്രമേള ബേക്കല് ഗവ. ഫിഷറീസ് ഹയര് സെക്കന്ഡറി സ്കൂളിലുമാണ് നടന്നത്.
പ്രധാനവേദിയായ ഉദുമ ഗവ. ഹയര് സെക്കന്ഡറി സ്കൂളില് കാസര്ഗോഡ് സിപിസിആര്ഐ ഡയറക്ടര് അനിത കരുണ് ഉദ്ഘാടനം നിര്വഹിച്ചു. ജില്ലാ വിദ്യാഭ്യാസ ഡെപ്യൂട്ടി ഡയരക്ടര് കെ.വി. പുഷ്പ അധ്യക്ഷത വഹിച്ചു. ഡയറ്റ് പ്രിന്സിപ്പല് ഡോ. എം. ബാലന്, ജില്ലാ സീനിയര് ഹൈഡ്രോ ജിയോളജിസ്റ്റ് ഡോ. കെ.എം. അബ്ദുല് അഷ്റഫ്, പൊതുവിദ്യാഭ്യാസ സംരക്ഷണയജ്ഞം ജില്ലാ കോ-ഓര്ഡിനേറ്റര് പി. ദിലീപ് കുമാര്, ഹെഡ്മാസ്റ്റര് ടി.വി. മധുസൂദനന് തുടങ്ങിയവര് പ്രസംഗിച്ചു.
വൈകുന്നേരം നടന്ന സമാപനസമ്മേളനം കാഞ്ഞങ്ങാട് വിദ്യാഭ്യാസ ജില്ലാ ഓഫീസര് ഒ.കെ. സരസ്വതി ഉദ്ഘാടനം ചെയ്തു. കാസര്ഗോഡ് വിദ്യാഭ്യാസ ജില്ലാ ഓഫീസര് എന്. നന്ദികേശന് അധ്യക്ഷത വഹിച്ചു. സംസ്ഥാന ബയോ ഡൈവേഴ്സിറ്റി ബോര്ഡ് മെമ്പര് സെക്രട്ടറി ഡോ. വി. ബാലകൃഷ്ണന്, ജില്ലാ ഐടി കോ-ഓര്ഡിനേറ്റര് എം.പി. രാജേഷ്, ബേക്കല് എഇഒ കെ. ശ്രീധരന്, പ്രിന്സിപ്പല് പി. മുരളീധരന് നായര് തുടങ്ങിയവര് സംബന്ധിച്ചു.
Post a Comment