ഡ​ൽ​ഹി ക​ലാ​പം റി​പ്പോ​ർ​ട്ട് ചെ​യ്ത​തി​ന്‍റെ പേ​രി​ൽ ഏ​ഷ്യാ​നെ​റ്റ് ന്യൂ​സ്, മീ​ഡി​യ വ​ണ്‍ എ​ന്നീ മ​ല​യാ​ളം ചാ​ന​ലു​ക​ൾ​ക്ക് കേ​ന്ദ്ര സ​ർ​ക്കാ​ർ നി​രോ​ധ​നം

ന്യൂ​ഡ​ൽ​ഹി (True News, March 6,2020):  ഏഷ്യാനെറ്റ് , മീഡിയാ വൺ ചാനലുകൾക്കെതിരെ കേന്ദ്രത്തിന്റെ പ്രതികാര നടപടി.  ഡ​ൽ​ഹി ക​ലാ​പം റി​പ്പോ​ർ​ട്ട് ചെ​യ്ത​തി​ന്‍റെ പേ​രി​ൽ ഏ​ഷ്യാ​നെ​റ്റ് ന്യൂ​സ്, മീ​ഡി​യ വ​ണ്‍ എ​ന്നീ മ​ല​യാ​ളം ചാ​ന​ലു​ക​ൾ​ക്ക് നി​രോ​ധ​ന​മേ​ർ​പ്പെ​ടു​ത്തിയിരിക്കുകയാണ്  കേ​ന്ദ്ര സ​ർ​ക്കാ​ർ. 48 മ​ണി​ക്കൂ​ർ നേ​ര​ത്തേ​ക്കാ​ണു നി​രോ​ധ​നം.

ഈ ​ചാ​ന​ലു​ക​ൾ അ​പ്ലി​ങ്ക് ചെ​യ്യു​ന്ന സ്വ​കാ​ര്യ ഏ​ജ​ൻ​സി​ക​ളോ​ട് വി​ല​ക്ക് ഏ​ർ​പ്പെ​ടു​ത്താ​ൻ കേ​ന്ദ്ര വാ​ർ​ത്താ​വി​നി​മ​യ പ്ര​ക്ഷേ​പ​ണ മ​ന്ത്രാ​ല​യം രേ​ഖാ​മൂ​ലം ആ​വ​ശ്യ​പ്പെ​ട്ടു. വി​ല​ക്ക് വെ​ള്ളി​യാ​ഴ്ച വൈ​കി​ട്ട് 7.30 മു​ത​ൽ നി​ല​വി​ൽ​വ​ന്നു. ഏ​ഷ്യാ​നെ​റ്റ് ന്യൂ​സ് ചാ​ന​ലി​ന്‍റെ​യും മീ​ഡി​യ വ​ണ്ണി​ന്‍റെ​യും യൂ​ടൂ​ബ് സ്ട്രീ​മിം​ഗും ത​ട​സ​പ്പെ​ട്ടി​ട്ടു​ണ്ട്.

ര​ണ്ടു ചാ​ന​ലു​ക​ൾ​ക്കും ഈ ​വി​ഷ​യ​ത്തി​ൽ നേ​ര​ത്തെ ത​ന്നെ സ​ർ​ക്കാ​രി​ന്‍റെ നോ​ട്ടീ​സ് ല​ഭി​ച്ചി​രു​ന്നെ​ന്നും ഇ​രു ചാ​ന​ലു​ക​ളും ഇ​തി​നു മ​റു​പ​ടി ന​ൽ​കി​യി​രു​ന്നെ​ന്നു​മാ​ണു വി​വ​രം. ഇ​നി ര​ണ്ടു ദി​വ​സം ക​ഴി​ഞ്ഞു മാ​ത്ര​മേ ഈ ​ചാ​ന​ലു​ക​ൾ പ്ര​ക്ഷേ​പ​ണം പു​ന​രാ​രം​ഭി​ക്കൂ.

ഏ​ഷ്യാ​നെ​റ്റ് ന്യൂ​സ് റി​പ്പോ​ർ​ട്ടി​ൽ, മാ​ധ്യ​മ​പ്ര​വ​ർ​ത്ത​ക​നാ​യ പി.​ആ​ർ. സു​നി​ൽ ക​ലാ​പം ത​ട​യാ​തെ ഡ​ൽ​ഹി പോ​ലീ​സ് കാ​ഴ്ച​ക്കാ​രാ​യെ​ന്ന് പ​റ​ഞ്ഞി​രു​ന്നു. ഇ​താ​ണു വി​ല​ക്കി​നു കാ​ര​ണ​മാ​യ​ത്. മീ​ഡി​യ വ​ണ്ണി​ന്‍റെ കാ​ര്യ​ത്തി​ൽ ഡ​ൽ​ഹി ക​റ​സ്പോ​ണ്ട​ന്‍റ് ഹ​സ​നു​ൾ ബ​ന്ന​യു​മാ​യി ന​ട​ത്തി​യ ഫോ​ണ്‍ സം​ഭാ​ഷ​ണ​മാ​ണ് വ​ലി​യ കു​റ്റ​മാ​യി കേ​ന്ദ്ര സ​ർ​ക്കാ​ർ ചൂ​ണ്ടി​ക്കാ​ട്ടു​ന്ന​ത്.

വി​ല​ക്കേ​ർ​പ്പെ​ടു​ത്തി​യ ര​ണ്ടു ചാ​ന​ലു​ക​ൾ ആ​ർ​എ​സ്എ​സി​നെ​യും ഡ​ൽ​ഹി പോ​ലീ​സി​നെ​യും വി​മ​ർ​ശി​ച്ചെ​ന്നും ഒ​രു വി​ഭാ​ഗ​ത്തോ​ട് പ​ക്ഷ​പാ​ത​പാ​ര​മാ​യി ചേ​ർ​ന്നു​നി​ന്നെ​ന്നും പൗ​ര​ത്വ നി​യ​മ ഭേ​ദ​ഗ​തി​യെ അ​നു​കൂ​ലി​ച്ച​വ​രെ മോ​ശ​ക്കാ​രാ​ക്കി​യെ​ന്നും മ​ന്ത്രാ​ല​യം ആ​രോ​പി​ക്കു​ന്നു.