ബഹ്റിനിൽ കാസറഗോഡ് സ്വദേശിനിക്ക് കൊറോണ സ്ഥിരീകരിച്ചതായി വിവരം. മറ്റൊരു മലയാളിക്കും കൊറോണ സ്ഥിരീകരിച്ചു
മനാമ (True News, March 12,2020): ബഹ്റിനിൽ കാസറഗോഡ് സ്വദേശിനിക്ക് കൊറോണ സ്ഥിരീകരിച്ചതായി വിവരം. . ബഹ്റിനിൽ ആകെ രണ്ട് മലയാളികൾക്ക് കോവിഡ് 19 സ്ഥിരീകരിച്ചു. സ്വകാര്യ ആശുപത്രിയിലെ നഴ്സുമാരാണ് ഇരുവരും. ഇവർ ഉൾപ്പെടെ മൂന്നു ഇന്ത്യക്കാർക്കാണ് കോവിഡ് സ്ഥിരീകരിച്ചത്. മൂവരേയും ഐസൊലേഷൻ വാർഡിൽ പ്രവേശിപ്പിച്ചു. കോവിഡ് 19 സ്ഥിരീകരിച്ചതിൽ ഒരാൾ കാസർഗോഡ് സ്വദേശിനിയാണെന്നാണ് വിവരം. ഇവരുടെ ഭർത്താവിന്റെയും മകളുടെയും സാമ്പിളുകൾ പരിശോധനയ്ക്കായി അയച്ചിട്ടുണ്ട്. കോവിഡ് സ്ഥിരീകരിച്ച രണ്ടാമത്തെ മലയാളിയുടെ വിവരങ്ങൾ പുറത്തുവന്നിട്ടില്ല.
അതേസമയം, യുഎഇയിൽ 11 പേർക്ക് കോവിഡ്19 സ്ഥിരീകരിച്ചു. ഇതോടെ രോഗബാധിതരുടെ എണ്ണം 85 ആയെന്ന് ആരോഗ്യമന്ത്രാലയം അറിയിച്ചു. പുതുതായി 24 പേർക്ക് കൂടി രോഗം സ്ഥിരീകരിച്ചതോടെ സൗദിയിൽ കൊറോണ ബാധിതരുടെ എണ്ണം 45 ആയി
Post a Comment