കാസർകോട് വീണ്ടും ഓക്സിജൻ ക്ഷാമം; അരമന ആശുപത്രിയിലുള്ളത് നാല് സിലിണ്ടർ മാത്രം

 

കാസർകോട്: (www.truenewsmalayalam.com 11.05.2021)

ജില്ലയിൽ ഓക്സിജൻ ക്ഷാമം തുടർക്കഥയാകുന്നു. സ്വകാര്യ ആശുപത്രിയായ കാസർകോട് അരമന ഹോസ്പിറ്റൽ ആന്റ് ഹാർട്ട്‌ സെന്ററിലാണ് ഇപ്പോൾ ഓക്സിജൻ ക്ഷാമം നേരിട്ടിരിക്കുന്നത്. ഇവിടെ ഇനി അവശേഷിക്കുന്നത് വെറും നാല് ഓക്സിജൻ സിലിണ്ടറുകൾ മാത്രമാണ്. ഇത് അടുത്ത മൂന്ന് മണിക്കൂർ നേരത്തേക്ക് മാത്രമേ ഉപയോഗിക്കാനാവൂ. കൊവിഡ് ബാധിതരായ പത്ത് പേരാണ് ഈ ആശുപത്രിയിൽ ചികിത്സയിൽ കഴിയുന്നത്. ഇവരിൽ ഏഴ് പേർക്കും ഓക്സിജൻ വേണമെന്നത് പ്രതിസന്ധിയുടെ ആക്കം കൂട്ടുന്നു.