റോഡിലെ പാതാളക്കുഴിയിൽ സ്കൂൾ ബസ് കുടുങ്ങി ; കല്ലും മണ്ണുമിട്ട് ബസിനെ കരകയറ്റിയത് വിദ്യാർഥികൾ
കിന്നിംഗാർ (www.truenewsmalayalam.com , Sept 7 , 2019): തകര്ന്നു തരിപ്പണമായ ഏത്തടുക്ക-കിന്നിംഗാര് റോഡിലെ പാതാളക്കുഴിയില് കുടുങ്ങിയ സ്കൂള് ബസിനെ കരകയറ്റി വിദ്യാര്ഥികൾ.
കന്നിംഗാര് റോഡിലെ ശാന്തിയടി കയറ്റം കയറുന്നതിനിടെ ബസിന്റെ മുന്വശത്തെ ടയറുകള് റോഡിലെ പാതാളക്കുഴിയില് അകപ്പെട്ടു. മുന്നോട്ടും പിന്നോട്ടും എടുക്കാന് കഴിയാതെ വന്നപ്പോള് ബസിലുണ്ടായിരുന്ന വിദ്യാര്ഥികള് തന്നെ കുഴിയില് കല്ലും മണ്ണും നിറച്ചതിനുശേഷം ബസിനെ തള്ളിക്കയറ്റി.
അതിനുശേഷം മറ്റു കുഴികളിലും മണ്ണും കല്ലുമിട്ട് നിറച്ചു. അഗല്പാടി അന്നപൂര്ണേശ്വരി എച്ച്എസ്എസ് വിദ്യാര്ഥികളാണ് ബസിനെ തള്ളികയറ്റിയത്. കുഴിയില് വീഴാതിരിക്കാന് ബസുകൾ വെട്ടിക്കുന്പോൾ അടിഭാഗം റോഡില് തട്ടി ബസുകള്ക്ക് കേടുപാടുണ്ടാകുന്നു.
ഈ റൂട്ടില് നേരത്തെ സര്വീസ് നടത്തിയിരുന്ന ഒരു സ്വകാര്യ ബസ് സര്വീസ് നിര്ത്തിവച്ചിരിക്കയാണ്. റോഡ് തകര്ന്നു തരിപ്പണമായതോടെ ഇതുവഴി ഓട്ടോ റിക്ഷപോലും വരാറില്ലെന്നാണ് നാട്ടുകാരുടെ പരാതി. ചുരുക്കം ചില സ്വകാര്യവാഹനങ്ങളും സ്കൂള് ബസുകളും മാത്രമാണ് ഇതിലൂടെ കടന്നുപോകുന്നത്. എത്രയും പെട്ടെന്ന് റോഡിലെ കുഴികള് അടച്ചു ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.
Post a Comment