Header Ads

test

മധൂരിലെ സുനിതയെ ഏറ്റെടുക്കാൻ മഞ്ചേശ്വരത്തു നിന്നും സ്നേഹാലയം എത്തി


കാ​സ​ർ​ഗോ​ഡ് (www.truenewsmalayala.com  Sept 7, 2019):   അമ്മയുടെ പരിചരണത്തിൽ കഴിഞ്ഞിരുന്ന നാല്പത്തേഴുകാരിയായ മനസികാസ്വാസ്ഥ്യമുള്ള  മധൂരിലെ സുനിതക്ക് ഇനി മഞ്ചേശ്വരത്തെ സ്‌നേഹാലയം തണൽ വിരിക്കും. മ​ന്നി​പ്പാ​ടി ല​ക്ഷം വീ​ട് കോ​ള​നി​യി​ലെ സു​നി​ത​വൃദ്ധയായ അമ്മ പാർവ്വതിയുടെ  മാത്രം സംരക്ഷണത്തിലായിരുന്നു. അ​മ്മ​യു​ടെ പ്രാ​യാ​ധി​ക്യവും  അ​വ​ശ​ത​യും  ത​ന്‍റെ സം​ര​ക്ഷ​ണ​ത്തി​ന് വി​ല​ങ്ങു​ത​ടി​യാ​വു​മെ​ന്ന് അറിഞ്ഞപ്പോഴാണ് സ്നേഹാലയം ഇവരെ ഏറ്റെടുക്കാൻ തയ്യാറായിരിക്കുന്നത് 
മ​ധൂ​ർ പ​ഞ്ചാ​യ​ത്തി​ലെ മ​ന്നി​പ്പാ​ടി ല​ക്ഷം​വീ​ട് കോ​ള​നി​യി​ൽ താ​മ​സി​ക്കു​ന്ന സു​നി​ത മാ​ന​സി​കാ​സ്വാ​സ്ഥ്യ​മു​ള്ള​യാ​ളാ​ണ്. 47 വ​ർ​ഷ​മാ​യി ഊ​ണി​ലും ഉ​റ​ക്കി​ലും കാ​വ​ലാ​ളാ​യി അ​മ്മ ഒ​പ്പ​മു​ണ്ട്. പ​ലത​ര​ത്തി​ലു​ള്ള ചി​കി​ത്‌​​സ ല​ഭി​ച്ചി​രു​ന്നെ​ങ്കി​ലും അ​ത് തു​ട​ർ​ന്നു​പോ​വാ​നു​ള്ള സാ​മ്പ​ത്തി​ക ചു​റ്റു​പാ​ടു​ണ്ടാ​യി​രു​ന്നി​ല്ല.
മ​ധൂ​ർ പ​ഞ്ചാ​യ​ത്തി​ന്‍റെ പാ​ലി​യേ​റ്റീ​വ് പ​രി​ച​ര​ണം ല​ഭി​ച്ചു​വ​രു​ന്നു​ണ്ടാ​യി​രു​ന്നു. പ്രാ​യം ഏ​റി​വ​രു​ന്ന സാ​ഹ​ച​ര്യ​ത്തി​ൽ മ​ക​ളു​ടെ കാ​ര്യ​ത്തി​ൽ അ​മ്മ ആ​ശ​ങ്ക പ​ങ്കി​ട്ട​പ്പോ​ൾ പാ​ലി​യേ​റ്റീ​വ് ന​ഴ്സ് രാ​ധ​യാ​ണ് വി​ഷ​യം പ​ഞ്ചാ​യ​ത്ത​ധി​കൃ​ത​രെ അ​റി​യി​ച്ച​ത്.
തു​ട​ർ​ന്നു മെ​ഡി​ക്ക​ൽ ഓ​ഫീ​സ​റും ഹെ​ൽ​ത്ത് ഇ​ൻ​സ്പെ​ക്ട​റും ചേ​ർ​ന്ന് ജി​ല്ലാ സോ​ഷ്യ​ൽ സെ​ക്യൂ​രി​റ്റി ഓ​ഫീ​സ​റേ​യും മ​ഞ്ചേ​ശ്വ​ര​ത്തു​ള്ള സ്നേ​ഹാ​ല​യം ജോ​സ​ഫ് ക്രാ​സ്ത​യെ ബ​ന്ധ​പ്പെ​ട്ടു. ജോ​സ​ഫ് തൊ​ട്ട​ടു​ത്ത​ദി​വ​സം സു​നി​ത​യേ​യും അ​മ്മ​യേ​യും വ​ന്നു​കാ​ണു​ക​യും ഏ​റ്റെ​ടു​ക്കാ​നു​ള്ള താ​ത്പ​ര്യം അ​റി​യി​ക്കു​ക​യും ചെ​യ്തു.
അ​രി​കി​ലി​ല്ലെ​ങ്കി​ലും മ​ക​ൾ സു​ര​ക്ഷി​ത​യാ​ണ​ല്ലോ എ​ന്ന സ​ന്തോ​ഷ​മാ​ണ് അ​മ്മ​യ്ക്ക്. സ്നേ​ഹാ​ല​യം അ​ധി​കൃ​ത​രെ​ത്തു​മ്പോ​ൾ സു​നി​ത​യെ യാ​ത്ര​യാ​ക്കാ​ൻ പ​ഞ്ചാ​യ​ത്ത് പ്ര​സി​ഡ​ന്‍റ് മാ​ല​തി സു​രേ​ഷും വൈ​സ്പ്ര​സി​ഡ​ന്‍റ് ദി​വാ​ക​ര ആ​ചാ​രി​യും ഹെ​ൽ​ത്ത് ഇ​ൻ​സ്പെ​ക്ട​ർ എം. ​ച​ന്ദ്ര​നും പാ​ലി​യേ​റ്റീ​വ് ന​ഴ്സ് കെ. ​രാ​ധ​യും ജെ​എ​ച്ച്ഐ സി. ​അ​രു​ൺ​കു​മാ​റും ജെ​പി​എ​ച്ച്എ​ൻ കെ.​ജി. അ​മ്പി​ളി​യും ആ​ശാ പ്ര​വ​ർ​ത്ത​ക​രും എ​ത്തി​യി​രു​ന്നു.




No comments