മുഗു ജംഗ്ഷനിൽ ബൈക്കുകൾ കൂട്ടിയിടിച്ചുണ്ടായ അപകടത്തിൽ മരണപ്പെട്ട നിലമ്പൂര്‍ സ്വദേശിയുടെ മരണകാരണം ബസിന്റെ ടയറുകള്‍ തലയില്‍ കയറിയതാണെന്ന് ഫോറന്‍സിക് റിപ്പോര്‍ട്ട്.
നിലമ്പൂര്‍ സ്വദേശിയും മുഗു ഉറുമിയില്‍ താമസക്കാരനുമായ റബ്ബര്‍ ടാപ്പിംഗ് തൊഴിലാളി ബാബു(53)വാണ് ബുധനാഴ്ച ഉച്ചയോടെ മുഗു ജംഗ്ഷന് സമീപം കട്ടത്തടുക്ക റോഡിലുണ്ടായ അപകടത്തില്‍ മരിച്ചത്.
തല ചതഞ്ഞത് വലിയ വാഹനത്തിന്റെ ടയര്‍ കയറിയാണെന്ന നിഗമനത്തെ തുടര്‍ന്ന് അപകട ദിവസം തന്നെ കുമ്പള പൊലീസ് സംശയം തോന്നിയ ബസ് കസ്റ്റഡിയിലെടുത്തിരുന്നു. കൂടുതല്‍ അന്വേഷണത്തിന് ബസ് ഡ്രൈവറേയും ഇടിച്ച സ്‌കൂട്ടര്‍ യാത്രക്കാരനേയും കസ്റ്റഡയിലെടുക്കുമെന്നും പൊലീസ് പറഞ്ഞു. അഡീ. എസ്.ഐ കെ.പി.വി രാജീവന്റെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.
Post a Comment