കോഴിക്കോട്(www.truenewsmalayalam.com) : യു.എ.പി.എ കരിനിയമത്തിനെതിരെ അലനും താഹക്കുമൊപ്പം ചായയും പരിപ്പുവടയും കഴിച്ച് കോഴിക്കോട്ട് പ്രതീകാത്മക പ്രതിഷേധം. കടപ്പുറത്തെ ഫ്രീഡം സ്ക്വയറിലായിരുന്നു ബഹുജനകൂട്ടായ്മയുടെ നേതൃത്വത്തിൽ ഭരണകൂട ഭീകരതക്കെതിരായ വ്യത്യസ്തസമരം. 'അലനും താഹയും അറസിറ്റിലായത് ചായകുടിക്കാൻ പോയപ്പോഴായിരുന്നില്ല' എന്ന മുഖ്യമന്ത്രി പിണറായി വിജയ‍െൻറ വിവാദ പ്രസ്താവനയെ ഓർമിപ്പിച്ചായിരുന്നു ചായകുടിസമരം.
ചടങ്ങിൽ ഒത്തുചേർന്നവർക്കെല്ലാം ചായയും പരിപ്പുവടയും നൽകി. മനുഷ്യാവകാശപ്രവർത്തകൻ എ. വാസു അലനും താഹക്കും ചായ നൽകിയാണ് പരിപാടി ഉദ്ഘാടനം ചെയ്തത്. ഇവർ കൈവശം വെച്ചെന്ന് പറയുന്ന ലഘുലേഖ വർഷങ്ങളായി വിൽക്കുന്നയാളാണ് താനെന്ന് എ. വാസു പറഞ്ഞു. എനിക്കെതിരെ ഒരു നടപടിയുമില്ല. ഇവർ അതു കൈവശംവെച്ചതിന് യു.എ.പി.എ ചുമത്തി. ഫാഷിസത്തി‍െൻറ എല്ലാ സ്വഭാവവും കാണിക്കുകയാണ് സി.പി.എം എന്ന് അദ്ദേഹം കുറ്റപ്പെടുത്തി.
Post a Comment