വിദ്യാർത്ഥികളിലേക്കുള്ള ലഹരിയുടെ വേരോട്ടം;ഉറവിടം കണ്ടെത്താനുള്ള പോലീസ് അന്വേഷണം ഊർജിതമാകണം - എസ്.ഡി.പി.ഐ

കുമ്പള(www.truenewsmalayalam.com) : കുമ്പളയിൽ വിദ്യാർത്ഥികൾക്കിടയിൽ ലഹരി വില്പന നടത്തുന്ന സംഘങ്ങളെ കണ്ടെത്താൻ പോലീസ് അന്വേഷണം ഊർജിതമാകണമെന്ന് എസ്.ഡി.പി.ഐ 

കഴിഞ്ഞ ദിവസം കുമ്പള പോലീസ് സ്റ്റേഷൻ പരിസരത്ത് നിന്ന് കഞ്ചാവ് ബീഡിയിൽ തിരുകി വലിക്കുന്നതിനിടയിൽ വിദ്യാർത്ഥികളെ പോലീസ് പിടികൂടിയത് വളരെ ഗൗരവമായി കാണണം.

 വിദ്യാർത്ഥികളെ ലക്ഷ്യം വെച്ച് ഈ- സിഗരറ്റ് വില്പനയും വ്യാപകമാണ്. വിദ്യാർത്ഥികൾക്കിടയിൽ ലഹരി ഉപയോഗത്തിനെതിരെ വ്യാപക ബോധവൽക്കരണം നടത്താനുള്ള സാഹചര്യം പോലീസ്, എക്സൈസ്, സ്കൂൾ പിടിഎ യുടെ ഭാഗത്ത് നിന്ന് ഉണ്ടാകണമെന്ന് എസ്ഡിപിഐ ടൌൺ ബ്രാഞ്ച് കമ്മിറ്റി നേത്രത്വ യോഗം ആവശ്യപ്പെട്ടു.

വിദ്യാർത്ഥികൾക്കു ലഹരി ലഭ്യമാകുന്ന ഉറവിടം അറിയാൻ സ്കൂൾ പരിസരം പോലീസിന്റെയും, അധ്യാപകരുടെയും സധാ നിരീക്ഷണത്തിലാക്കണമെന്നും  ബ്രാഞ്ച്കമ്മിറ്റി യോഗം ആവശ്യപ്പെട്ടു.

 യോഗത്തിൽ ബ്രാഞ്ച് പ്രസിഡന്റ്റ് മൻസൂർ കുമ്പള, സെക്രട്ടറി നൗഷാദ് കുമ്പള, ട്രഷറർ മുനീർ, വൈസ് പ്രസിഡന്റ്‌ കലാം, ജോയിൻ സെക്രട്ടറി അസ്‌കർ എന്നിവർ സംബന്ധിച്ചു.