കോൺഗ്രസ് എംഎൽഎയുടെ ബന്ധു പ്രവാചകനെ നിന്ദിക്കുന്ന കാർട്ടൂൺ പോസ്റ്റ് ചെയ്തു; ബെംഗളൂരുവിൽ സംഘർഷം. വ്യാപക അക്രമം,വെടിവെപ്പ്. രണ്ടുപേർ മരിച്ചു.60 പോലീസുകാർക്ക് പരുക്ക്

ബംഗളൂരു(True News, Aug 12,2020):  കോൺഗ്രസ്  എംഎൽഎയുടെ ബന്ധു പ്രവാചകനെ നിന്ദിക്കുന്ന കാർട്ടൂൺ പോസ്റ്റ് ചെയ്തതി​െൻറ പേരിൽ ബംഗളൂരുവിൽ  സംഘർഷം. പൊലീസ്​ വെടിവെപ്പിൽ രണ്ട്​ പേർ മരിക്കുകയും ഒരാൾക്ക്​ പരിക്കേൽക്കുകയും ചെയ്​തതായി പൊലീസ്​ കമീഷണർ കമൽ പന്ത്​ അറിയിച്ചു. അഡിഷനൽ കമീഷണറടക്കം 60 ഒാളം പൊലീസുകാർക്കും പരിക്കേറ്റിട്ടുണ്ട്​. കെ.ജി. ഹള്ളി, ഡി.ജെ. ഹള്ളി പൊലീസ്​ ​സ്​റ്റേഷൻ പരിധികളിൽ കർഫ്യൂ പ്രഖ്യാപിച്ചിട്ടുണ്ട്​. 

രാത്രി പത്തോടെ ഡി.ജെ. ഹള്ളി കാവൽ ബൈരസാന്ദ്രയിലാണ്​ അക്രമ സംഭവങ്ങൾ തുടങ്ങിയത്​. പുലികേശി നഗറിലെ കോൺഗ്രസ്​ എം.എൽ.എ അഖണ്ഡ ശ്രീനിവാസ മൂർത്തിയുടെ സഹോദരിയുടെ മകൻ നവീനാണ്​ ഫേസ്​ബുക്കിൽ പ്രവാചകൻ മുഹമ്മദ്​ നബിയെ അവഹേളിക്കുന്ന പോസ്​റ്റിട്ടത്​. നവീനെ അറസ്​റ്റ്​ ചെയ്യണമെന്നാവശ്യപ്പെട്ട്​ തെരുവിലിറങ്ങിയ ആളുകൾ നവീ​െൻറ കാറടക്കം നിരവധി വാഹനങ്ങൾ കത്തിച്ചു.

എം.എൽ.എയുടെ വീടിനുനേരെയും കല്ലേറുണ്ടായി. കല്ലേറിൽ വീടി​െൻറ ജനൽ ചില്ലുകളടക്കം തകർന്നു. നവീ​െൻറ അറസ്​റ്റ്​​ ആവശ്യപ്പെട്ട്​ ഡി.ജെ. ഹള്ളി, കെ.ജി ഹള്ളി പൊലീസ്​ സ്​റ്റേഷനുകളുടെ​ മുന്നിലും ആളുകൾ തടിച്ചുകൂടി. പൊലിസ്​ സ്​റ്റേഷനു നേരെയും കല്ലേറുണ്ടായി. അക്രമികൾ നിരവധി വാഹനങ്ങൾ കത്തിച്ചു.