അനധികൃത പാര്‍ക്കിംഗിനെതിരെ ശക്തമായ നടപടിയുമായി പൊലീസ്.
നിയമം ലംഘിച്ച് പാര്‍ക്ക് ചെയ്യുന്ന വാഹനങ്ങള്‍ക്ക് വീല്‍ലോക്കറും പിഴ ഈടാക്കുകയും വരികയാണ്.
കാസര്‍കോട് നഗരത്തിലെ തിരക്കേറിയ റോഡില്‍ പലയിടത്തും അനധികൃതമായി സ്വകാര്യ വാഹനങ്ങള്‍ നിര്‍ത്തിയിടുന്നതും ഇതുമൂലമുള്ള ഗതാഗതകുരുക്കും പതിവായതോടെയാണ് പൊലീസ് നടപടി സ്വീകരിച്ചുതുടങ്ങിയത്.
കഴിഞ്ഞ കുറച്ച് ദിവസങ്ങളായി പോലീസ് പരിശോധന ശക്തമാക്കിയിരുന്നെങ്കിലും ഇന്നലെ മുതലാണ് ഇത്തരത്തില്‍ പാര്‍ക്ക് ചെയ്യുന്ന വാഹനങ്ങള്‍ക്ക് പൊലീസിന്റെ ‘പൂട്ട്’ വീണുതുടങ്ങിയത്.
പിഴ നടപടികളും സ്വീകരിച്ചുവരികയാണ്. കാസര്‍കോട് നഗരപരിധിയിലെ പലയിടത്തും അനധികൃതമായി വാഹനങ്ങള്‍ പാര്‍ക്ക് ചെയ്യുന്നത് മൂലം രൂക്ഷമായ ഗതാഗത കുരുക്കാണുണ്ടാവുന്നത്.
Post a Comment