പെർവാഡ് ഹെവൻസ് പ്രീ സ്കൂൾ ; പ്രവേശനോത്സവം വ്യഴാഴ്ച

കുമ്പള : മോണ്ടിസോറി വിദ്യാഭ്യാസ പദ്ധതിയിൽ ഉൾപ്പെടുത്തി കുരുന്നു കുഞ്ഞുങ്ങൾക്ക് ആറ് വയസ്സിനു മുമ്പ് ഖുർആൻ പാരായണം ചെയ്യാനും കെ ജി വിദ്യാഭ്യാസത്തിനു മുമ്പ് കുട്ടികളുടെ തനതായ ശൈലിയിലൂടെ വളർത്തിക്കൊണ്ടു വരുന്ന 'ഹെവൻസിന്റെ' പ്രീ സ്‌കൂൾ കുമ്പള പെർവാഡിൽ  18  ജൂലൈ വ്യാഴാഴ്ച പ്രവർശനോത്സവത്തോടെ തുടക്കമാവും. ജമാഅത്തെ ഇസ്‌ലാമി കാസറഗോഡ് ജില്ലാ പ്രസിഡന്റും ഹെവൻസ് പ്രീ സ്കൂൾ ജില്ലാ രക്ഷാധികാരിയുമായ ജനാബ് സഈദ് ഉമർ രാവിലെ 10 മണിക്ക്  ഉദ്ഘടനം ചെയ്യും. ബൈത്തുസ്സകാത്ത് കേരള ചെയർമാൻ ഷെയ്ഖ് മുഹമ്മദ് കാരക്കുന്ന് മുഖാതിഥിയാവും. ഹെവൻസ് അസിസ്റ്റൻറ് ഡയറക്ടർ സാബിത് ബന്നാൻ, എം സി എം അക്ബർ, വാർഡ് മെമ്പർ ഖൗലത്ത് ബീവി , മറിയംബി, നസറുദ്ദീൻ കടവത്ത്, സാറ ത്വയ്ബ, ഫാത്തിമ അനസ്, സക്കീന അക്ബർ തുടങ്ങിയവർ സംബന്ധിക്കും.  

പെർവാഡ് ഫജ്ർ കോമ്പൗണ്ടിലാണ് ഹെവൻസിന്റെ ക്ലാസ്സ് റൂം ഒരുങ്ങുന്നത്.  മൂന്ന് വയസ്സ് മുതലാണ് അഡ്മിഷൻ. ഇംഗ്ലീഷ്, അറബി, മലയാളം ഭാഷാ പഠനത്തോടൊപ്പം കുട്ടികൾക്ക് മാത്‍സ് സയൻസ് വിഷയങ്ങളും അഭ്യസിപ്പിക്കും. കേരളത്തിൽ അങ്ങോളമിങ്ങോളം വിജയകരമായി നടക്കുന്ന ഹെവൻസ് നെറ്റ് വർക്കിന്റെ കീഴിൽ ശാസ്ത്രീയമായി തയ്യാറാക്കിയ സിലബസാണ് പിൻതുടർന്നത് എന്നത് കുട്ടികളെ മികച്ച രീതിയിൽ വളരാൻ പ്രാപ്തരാക്കുന്നു. കുമ്പള മസ്ജിദുന്നൂർ അക്കാദമിക്ക് കൗൺസിലിന് കീഴിലാണ് ഈ പ്രീസ്‌കൂൾ പ്രവർത്തിക്കുന്നത്

ഏതാനും സീറ്റുകൾ ഒഴിവുണ്ടെന്ന് അഡ്മിനിസ്ട്രഷൻ അറിയിച്ചു.  അഡ്മിഷന് വേണ്ടി താഴെ കാണുന്ന നമ്പറിൽ ബന്ധപ്പെടാം

9048221193