അഹമ്മദാബാദില്‍ നിന്ന്‌ കൊച്ചിയിലേക്ക്‌ പോകുകയായിരുന്ന ലോറി വൈദ്യുതി തൂണില്‍ ഇടിച്ചു മറിഞ്ഞു; ഒഴിവായത്‌ വന്‍ ദുരന്തം.
ഇടിയുടെ ആഘാതത്തില്‍ വൈദ്യുതി തൂണു തകര്‍ന്ന്‌ കമ്പിയടക്കം ലോറിയുടെ മുകളില്‍ മറിഞ്ഞെങ്കിലും ഭാഗ്യം കൊണ്ടു ദുരന്തം ഒഴിവാകുകയായിരുന്നു.
ഇന്ന്‌ പുലര്‍ച്ചെ നാലു മണിയോടെ ഉപ്പള കുക്കാറിലാണ്‌ അപകടം. ഉടന്‍ സ്ഥലത്തെത്തിയ ഫയര്‍ഫോഴ്‌സും കെ എസ്‌ ഇ ബി ജീവനക്കാരും വൈദ്യുതി ബന്ധം വിച്ഛേദിക്കുകയും അപകടസ്ഥലത്ത്‌ നിന്ന്‌ ലോറി മാറ്റിയിടുകയും ചെയ്‌തു.
ലോറി ഡ്രൈവര്‍ ഹുബ്ലി സ്വദേശി ശശാന്ത്‌, സഹായി മഞ്‌ജുനാഥ്‌ എന്നിവര്‍ പരിക്കേല്‍ക്കാതെ രക്ഷപ്പെട്ടു. പ്രദേശത്ത്‌ വൈദ്യുത ബന്ധം രാവിലെ പുനഃസ്ഥാപിച്ചതായി അധികൃതര്‍ അറിയിച്ചു.
Post a Comment