കൊവിഡ് ചട്ടങ്ങൾ ലംഘിച്ച് ബാങ്കിൽ ഇടപാടിനായി ജനക്കൂട്ടം ; കുമ്പള സിൻഡിക്കറ്റ് ബാങ്കിൽ പൊലീസ് ഇടപെട്ടു
കൈക്കുഞ്ഞുങ്ങളുമായെത്തിയ സ്ത്രീകൾ ഉൾപ്പെടെ നൂറോളം ഇടപാടുകാരാണ് ഒരേ സമയം ബാങ്കിനകത്ത് തടിച്ചുകൂടിയത്.
ഇവിടെ സാമൂഹിക അകലം പാലിക്കപ്പെട്ടില്ലെന്ന് മാത്രമല്ല, ഇടപാടുകാരുടെ ആധിക്യം കൊണ്ട് വീർപ്പുമുട്ടുകയും ചെയ്തിരുന്നു. വിവരമറിഞ്ഞ് കുമ്പള എസ് ഐ യുടെ നേതൃത്വത്തിൽ സ്ഥലത്തെത്തിയ പൊലീസ് സംഘം അകത്തുണ്ടായിരുന്ന ആളുകളിൽ കുറെ പേരെ പുറത്താക്കി സാമൂഹിക അകലം ഉറപ്പു വരുത്തി. ബാങ്ക്മാനേജരുമായി നടത്തിയ ചർച്ചയിൽ ചൊവ്വാഴ്ച മുതൽ ടോക്കൺ അടിസ്ഥാനത്തിൽ ഇടപാടുകാരെ അകത്തേക്ക് കയറ്റാൻ തീരുമാനിച്ചതായി എസ്ഐ അറിയിച്ചു.
കുമ്പള ഭാഗങ്ങളിൽ ബസുകളിലും മറ്റു പൊതു സ്ഥലങ്ങളിലും വ്യാപകമായി കൊവിഡ് ചട്ടങ്ങൾ ലംഘിക്കപ്പെടുന്നതായി പരാതിയുണ്ട്.
Post a Comment