ചാർട്ടേർഡ് വിമാനത്തിൽ സ്വർണം കടത്തിയ കാസറഗോഡ് സ്വദേശി കണ്ണൂരിൽ പിടിയിൽ.
കണ്ണൂർ (True News, July1,2020): ചാർട്ടേർഡ് വിമാനത്തിൽ സ്വർണം കടത്തിയ കാസറഗോഡ് സ്വദേശി കണ്ണൂരിൽ പിടിയിൽ. ഇന്നലെ കണ്ണൂർ വിമാനത്താവളത്തിലെത്തിയ കാസര്ഗോഡ് സ്വദേശി അബ്ദുള്ളയില്നിന്നാണ് 990 ഗ്രാം സ്വര്ണം കസ്റ്റംസ് പിടികൂടിയത്. ഇന്നലെ വൈകുന്നേരം റാസല് ഖൈമയില്നിന്നുള്ള സ്പൈസ് ജെറ്റ് ചാര്ട്ടേഡ് വിമാനത്തിലെത്തിയതായിരുന്നു അബ്ദുള്ള. പരിശോധനയില് സംശയം തോന്നിയതിനെ തുടര്ന്ന് കസ്റ്റംസ് കസ്റ്റഡിയിലെടുത്ത് പരിശോധിച്ചപ്പോഴാണ് അടിവസ്ത്രത്തിനുള്ളില് രണ്ടു കെട്ടുകളിലായി ഒളിപ്പിച്ചുവച്ചനിലയില് സ്വര്ണം കണ്ടെത്തിയത്. പേസ്റ്റ് രൂപത്തിലായിരുന്നു സ്വര്ണമുണ്ടായിരുന്നത്. ഒരു കിലോ 350 ഗ്രാം തൂക്കം വരുന്ന പേസ്റ്റ് രൂപത്തിലുള്ള സ്വര്ണമാണ് പിടികൂടിയത്. വേര്തിരിച്ചെടുത്തപ്പോള് 990 ഗ്രാം തൂക്കമാണു ലഭിച്ചത്. കോവിഡിനെത്തുടർന്ന് ചാര്ട്ടേഡ് വിമാനത്തില് പ്രവാസികളെ നാട്ടിലെത്തിക്കുന്നതിനിടെ മൂന്നാംതവണയാണ് കണ്ണൂര് വിമാനത്താവളത്തില് സ്വര്ണക്കടത്ത് പിടികൂടുന്നത്. കഴിഞ്ഞദിവസം രാത്രി ദുബായില്നിന്ന് ഫ്ളൈ ദുബായ് വിമാനത്തിലെത്തിയ മലപ്പുറം മണക്കാട് സ്വദേശി ഉസ്മാനില്നിന്ന് 20 ലക്ഷത്തിന്റെ സ്വര്ണവും കോഴിക്കോട് വടകര സ്വദേശി മുഹമ്മദലിയില്നിന്ന് 112 ഗ്രാം സ്വര്ണവും പിടികൂടിയിരുന്നു. പരിശോധനയില് കസ്റ്റംസ് അസി. കമ്മീഷണര് ഇ.വികാസ്, കസ്റ്റംസ് സൂപ്രണ്ടുമാരായ കെ.സുകുമാരന്, വി.നായിക്, സന്ദീപ്, ഇന്സ്പെക്ടര്മാരായ എന്.അശോക് കുമാര്, യദു കൃഷ്ണന്, കെ.വി.രാജു എന്നിവര് പങ്കെടുത്തു.
Post a Comment