മൊഗ്രാൽ പുത്തൂരിൽ നിയന്ത്രണം വിട്ട ഓട്ടോ തോട്ടിലേക്ക് മറിഞ്ഞ് യാത്രക്കാരൻ മരിച്ചു
കര്‍ണ്ണാടക കദക് സിത്താരഹള്ളി സ്വദേശിയും ചൂരി മീപ്പുഗിരിയില്‍ താമസക്കാരനുമായ ഹൊന്നപ്പ പൂജാര്‍ (31) ആണ് മരിച്ചത്.
മൊഗ്രാല്‍പുത്തൂര്‍-കമ്പാര്‍ റോഡില്‍ എടച്ചേരിയില്‍ ഇന്നലെ വൈകിട്ടായിരുന്നു അപകടം. ഓട്ടോ ഡ്രൈവര്‍ ബെള്ളൂരിലെ സുബൈറിനും(33) മറ്റ് മൂന്ന് യാത്രക്കാര്‍ക്കുമാണ് പരിക്കേറ്റത്. ശാസ്താനഗര്‍ ഭാഗത്ത് കോണ്‍ക്രീറ്റ് ജോലി ചെയ്ത് ഓട്ടോയില്‍ മടങ്ങുന്നതിനിടെയാണ് കര്‍ണ്ണാടക സ്വദേശികള്‍ സഞ്ചരിച്ച ഓട്ടോ അപകടത്തില്‍പ്പെട്ടത്.
നിയന്ത്രണം വിട്ട ഓട്ടോ എടച്ചേരി തോട്ടില്‍ തല കീഴായി മറിയുകയായിരുന്നു. പരിസരവാസികള്‍ ഏറെ പരിശ്രമിച്ചാണ് ഓട്ടോയില്‍ കുടുങ്ങിയവരെ പുറത്തെടുത്ത് ആസ്പത്രിയില്‍ എത്തിച്ചത്. രാത്രിയോടെയാണ് ഹൊന്നപ്പ മരിച്ചത്.മൃതദേഹം പോസ്റ്റ്‌മോര്‍ട്ടത്തിനായി ജനറല്‍ ആസ്പത്രി മോര്‍ച്ചറിയിലേക്ക് മാറ്റി. ശേക്കപ്പയുടെയും എല്ലമ്മയുടെയും മകനാണ് ഹൊന്നപ്പ. ഭാര്യ: ഗീത. മൂന്ന് മക്കളുണ്ട്. സഹോദരന്‍: ഈരപ്പ. മരണ വിവരമറിഞ്ഞ് ബന്ധുക്കള്‍ കാസര്‍കോട്ടെത്തി.
Post a Comment