'ബിപോർജോയ്' ശക്തികുറഞ്ഞു; കിഴക്കൻ രാജസ്ഥാനു മുകളിൽ തീവ്ര ന്യൂനമർദ്ദമായി മാറി.
രാജസ്ഥാന്‍റെ കിഴക്കൻ മേഖലകളായ ബാർമർ, ജലോർ, സിരോഹി തുടങ്ങിയ ഇടങ്ങളിൽ പ്രളയസമാന സാഹചര്യമാണ് നിലവിലുള്ളത്. ഇവിടങ്ങളിൽ 6000ത്തോളം പേരാണ് ദുരിതാശ്വാസ ക്യാമ്പുകളിലുള്ളത്. ഇന്നലെ നാലുപേരാണ് കാറ്റിനെ തുടർന്നുള്ള കെടുതികളിൽ മരിച്ചത്. രണ്ട് കുട്ടികളും മരിച്ചവരിൽ ഉൾപ്പെടും.
കാറ്റ് കരതൊട്ട ഗുജറാത്തിൽ വ്യാപകനാശമാണുണ്ടായത്. കനത്ത മഴയിലും കാറ്റിലും നിരവധി കെട്ടിടങ്ങൾ തകർന്നു. ഗതാഗതവും വൈദ്യുതിവിതരണവും തകരാറിലായി. പ്രളയസാഹചര്യമാണ് നിലക്കാത്ത മഴയെ തുടർന്ന് പലയിടത്തുമുണ്ടായത്.
Post a Comment