കുമ്പളയിലെ കൊലക്കേസ് പ്രതിയായ യുവാവിനെ കൊലപ്പെടുത്തിയ കേസിൽ സുഹൃത്ത് അറസ്റ്റിൽ.
കുമ്പള(www.truenewsmalayalam.com) : കുമ്പളയിലെ കൊലക്കേസ് പ്രതിയായ യുവാവിനെ കൊലപ്പെടുത്തിയ കേസിൽ സുഹൃത്ത് അറസ്റ്റിൽ.
ശാന്തിപ്പള്ളം സ്വദേശിയും കാസര്കോട്ടെ ഷാനു വധക്കേസിലെ പ്രതിയുമായ അബ്ദുല് റഷീദിനെ തലയ്ക്ക് കല്ലിട്ടു കൊലപ്പെടുത്തിയ കേസിലാണ് ഹബീബ് എന്ന ബഹബി(32)യെ കുമ്പള പൊലീസ് കസ്റ്റഡിയിലെടുത്തത്.
ചോദ്യം ചെയ്യലില് ഇയാള് കുറ്റം സമ്മതിച്ചതായാണ് സൂചന.
ഇരുവരും സ്ഥിരമായി രാത്രി കുണ്ടങ്കേരടുക്കയില് വന്നിരിക്കാറുള്ളതായും, ഞായറാഴ്ച ഉച്ചമുതല് ഒരു ബൈക്കില് ഇരുവരും കറങ്ങി നടന്നതായി പൊലീസ് അന്വേഷണത്തിൽ കണ്ടെത്തിയിരുന്നു, തുടര്ന്നാണ് ഹബീബിനെ കസ്റ്റഡിയിലെടുത്തത്.
പ്രാഥമിക അന്വേഷണത്തില് തന്നെ കൊലപാതകമാണെന്നു ഉറപ്പാക്കിയ പൊലീസ് തന്ത്രപരമായ നീക്കത്തിലൂടെയാണ് ഹബീബിനെ പിടികൂടിയത്.
ഞായറാഴ്ച രാത്രി മദ്യ ലഹരിയിലുണ്ടായ തര്ക്കമാണ് കൊലപാതകത്തിലേക്ക് നയിച്ചത് എന്നാണ് പ്രാഥമിക നിഗമനം.തലയ്ക്ക് കരിങ്കല്ല് ഇട്ട് കൊലപ്പെടുത്തിയ നിലയില് തിങ്കളാഴ്ച രാവിലയാണ് കുണ്ടങ്കേരടുക്ക ഐ എച്ച് ആര് ഡി കോളേജിനു സമീപത്തെ മൈതാനത്തിനു അടുത്തുള്ള കുറ്റിക്കാട്ടില് റഷീദിന്റെ മൃതദേഹം കണ്ടത്.
നിരവധി കേസുകളില് പ്രതിയായ ഹബീബ് ഏതാനും ആഴ്ച്ചകളായി കുമ്പള, മാവിനക്കട്ടയിലെ സമൂസ റഷീദിന്റെ റൂമിലായിരുന്നു താമസം.
ഷാനു കൊലക്കേസില് ജാമ്യത്തിലിറങ്ങിയശേഷം റഷീദ് തേപ്പു ജോലി ചെയ്തു വരികയായിരുന്നു. അതിനിടയിലാണ് ഹബീബുമായി വീണ്ടും ചങ്ങാത്തം സ്ഥാപിച്ച് ഒന്നിച്ചു താമസിച്ചുവന്നത്. കൊല്ലപ്പെടുന്നതിന് തലേ രാത്രിയും ഇരുവരും സ്ഥലത്തെത്തുകയും ലഹരി ഉപയോഗിക്കുകയും ചെയ്തിരുന്നു.
Post a Comment