കേരള ടൂറിസം പ്രചാരണം; കാസറഗോട്ടെ ഷിംഷാദും, കുടുംബവും ഗോവയിലെത്തി.
ഈ മാസം 20ന് ഞായറാഴ്ച രാവിലെ കാസർഗോഡ് നിന്നാണ് സ്വന്തം വാഹനത്തിൽ പര്യടനം ആരംഭിച്ചത്. എൻഎ നെല്ലിക്കുന്ന് എംഎൽഎ ഫ്ലാഗ് ഓഫ് ചെയ്താണ് പര്യടനത്തിന് തുടക്കം കുറിച്ചത്. ചടങ്ങിൽ ജില്ലയിലെ സാമൂഹിക- സാംസ്കാരിക- രാഷ്ട്രീയ-മാധ്യമ രംഗത്തെ പ്രമുഖ വ്യക്തിത്വങ്ങൾ സംബന്ധിച്ചിരുന്നു.
പര്യടനത്തിന്റെ രണ്ടാം ദിവസം ഗോവയിലെത്തിയ ഷംഷാദും, കുടുംബാംഗങ്ങളും ഗോവ അക്വാഡ ഫോർട്ടിൽ വിദേശികളും, സ്വദേശികളുമായ നിരവധി ആളുകളുമായി കേരള ടൂറിസത്തെക്കുറിച്ച് പരിചയപ്പെടുത്തി. ദൈവത്തിന്റെ സ്വന്തം നാടായി അറിയപ്പെടുന്ന കേരളത്തെപ്പറ്റിയും, ടൂറിസത്തെപ്പറ്റിയും കേട്ടറിഞ്ഞവർ അടുത്തവർഷം കേരളത്തിൽ എത്താമെന്ന് ഉറപ്പു നൽകിയതായും ഷിംഷാദ് പറഞ്ഞു.
ഷിംഷാദിനൊപ്പം ഭാര്യ മൊഗ്രാലിലെ ഫാത്തിമത്ത് അഷ്‌ഫാന, മകൻ മുഹമ്മദ് ഷൈൻ, ഷിംഷാദിന്റെ സഹോദരി ഖദീജത്ത് ശാസ എന്നിവരടങ്ങിയ നാലംഗ കുടുംബമാണ് ഭാരത പര്യടനം നടത്തുന്നത്.
Post a Comment