ബംബ്രാണ അണ്ടിത്തടക്കയിൽ കത്തിക്കുത്ത്; ആറ് പേര്‍ക്ക് കുത്തേറ്റു.
കുമ്പള(www.truenewsmalayalam.com) : ബംബ്രാണ അണ്ടിത്തടക്കയിൽ അഞ്ച് പേരെ യുവാവ് കുത്തിപ്പരിക്കേല്‍പ്പിച്ചു, മൂന്ന് പേരുടെ നില ഗുരുതരം.
യുവാവിനെ അക്രമിക്കാന്‍ വന്ന സംഘത്തിലെ അഞ്ച് പേരെയാണ് ഇയാൾ കുത്തിപ്പരിക്കേൽപ്പിച്ചത്.
ഞായറാഴ്ച രാത്രി ഏഴ് മണിയോടെയാണ് സംഭവം.
ബംബ്രാണയിലെ കിരണ്‍ (29), കാസര്‍കോട് മായിപ്പാടി കുതരപ്പാടി സ്വദേശികളായ ഗുരുരാജ് (23), നവീന്‍ (22), ദിരാജ് (21), ചരണ്‍ (23), പ്രവീണ്‍ (21) എന്നിവർക്കാണ് കുത്തേറ്റത്.
ചരണ്‍, കിരണ്‍, ഗുരുരാജ് എന്നിവരുടെ നില ഗുരുതരമാണ്.
ഞായറാഴ്ച ഉച്ചയ്ക്ക് പൊസൊഡിഗുബെയില്‍ കോഴിയങ്കം നടന്നിരുന്നു. ഇതിനിടെയുണ്ടായ വാക്ക് തര്‍ക്കമാണ് കത്തിക്കുത്തില്‍ കലാശിച്ചത്.
കുമ്പള സ്റ്റേഷന്‍ ഹൗസ് ഓഫിസര്‍ പി.പ്രമോദ് കുമാര്‍, കുമ്പള എസ്.ഐ. വി.കെ.അനീഷ് എന്നിവരുടെ നേതൃത്വത്തിലുള്ള പൊലീസ് സംഘം സ്ഥലം സന്ദര്‍ശിച്ചു.
Post a Comment