മുഗുവിലെ അബൂബകർ സീദ്ദീഖിനെ കൊലപ്പെടുത്തിയ കേസിൽ ക്വടേഷൻ സംഘത്തിലെ ഒരാൾ കൂടി അറസ്റ്റിൽ
നേരത്തെ കേസുമായി ബന്ധപ്പെട്ട് ക്വടേഷന്‍ നല്‍കിയതായി പറയുന്ന മൂന്ന് പേരേയും പ്രതികള്‍ക്ക് രക്ഷപ്പെടാനായി സഹായം നല്‍കിയെന്ന് ആരോപിച്ച് രണ്ട് പേരേയും അടക്കം അഞ്ച് പേരെ അറസ്റ്റ് ചെയ്തിട്ടുണ്ട്. അറസ്റ്റിലായ ഉദ്യാവറിലെ റിയാസ് ഹസന്‍ (33), ഉപ്പളയിലെ അബ്ദുല്‍ റസാഖ് (46), കുഞ്ചത്തൂരിലെ അബൂബകര്‍ സിദ്ദിഖ് (33), ഉദ്യാവറിലെ അബ്ദുല്‍ അസീസ് (36), ഉദ്യാവറിലെ അബ്ദുര്‍ റഹീം (41) എന്നിവര്‍ റിമാന്‍ഡിലാണ്.
ഇതില്‍ റിയാസ് ഹസന്‍, അബ്ദുല്‍ റസാഖ്, അബൂബക്കര്‍ സിദ്ദിഖ് എന്നിവരെ കസ്റ്റഡിയില്‍ വാങ്ങി തെളിവെടുപ്പ് നടത്തിയിരുന്നു. ഇക്കഴിഞ്ഞ ജൂണ്‍ 26നാണ് അബൂബകര്‍ സിദ്ദീഖിനെ തട്ടിക്കൊണ്ടുപോയി പൈവളിഗെയിലെ ഒരു വീട്ടില്‍ വെച്ചും കുന്നിന്‍ മുകളില്‍ വെച്ചും ക്രൂരമായി മര്‍ദിച്ചും പീഡിപ്പിച്ചും കൊലപ്പെടുത്തിയത്. ഏജന്റുമാരെ വെച്ച് ഗള്‍ഫിലേക്ക് കടത്തിയ 40 ലക്ഷം രൂപയുടെ ഡോളര്‍ കള്ളക്കടത്തുമായി ബന്ധപ്പെട്ട് പണം നഷ്ടപ്പെട്ടതിന്റെ പേരിലാണ് സിദ്ദീഖിനെ ക്രൂരമായി കൊലപ്പെടുത്തിയതെന്നാണ് പൊലീസ് വ്യക്തമാക്കുന്നത്. സിദ്ദീഖിന്റെ സഹോദരന്‍ അന്‍വറിനേയും ബന്ധു അന്‍സാറിനേയും ഈ സംഭവത്തിന്റെ പേരില്‍ തടങ്കലില്‍ വെച്ച് ക്രൂരമായി മര്‍ദിക്കുകയും പീഡിപ്പിക്കുകയും ചെയ്തിരുന്നു.
എസ്.പി.വൈഭവ് സക്സേന, കാസർകോട് ഡിവൈഎസ്പി, വി.വി.മനോജ് എന്നിവരുടെ മേൽനോട്ടത്തിലുള്ള പ്രത്യേക സ്ക്വാഡാണ് പ്രതിയെ പിടികൂടിയത്.
Post a Comment