ബദിയഡ്ക്കയിലും സമീപ പ്രദേശങ്ങളിലും കവർച്ച പെരുകുന്നു
ബദിയഡുക്ക (www.truenewsmalayalam.com) 2 Aug 2019): നീര്ച്ചാലില് അഞ്ചു കടകളില് കവര്ച്ച. നീര്ച്ചാല് മുകളിലെ ബസാറിലെ നാരായണ മണിയാണിയുടെ ഉടമസ്ഥതയിലുള്ള ഫ്രണ്ട്സ് ബേക്കറി, വടക്കെമൂലയിലെ നാരായണന്റെ പച്ചക്കറി കട, സമീപത്ത് ദേവപ്പ നായക്കിന്റെ ടൈലറിംഗ് ഷോപ്പ്, അതേ കെട്ടിടത്തിന്റെ പിന്വശത്തുള്ള രമേശന്റെ പലചരക്ക് കട എന്നിവിടങ്ങളിലും നീര്ച്ചാല് താഴെ ബസാറിലുള്ള കൃഷ്ണന്റെ ബി.കെ. ടെക്സ്റ്റെല്സ് എന്ന കടയിലുമാണ് കവര്ച്ച നടന്നത്.
ഇന്നലെ രാവിലെ കട തുറക്കാനെത്തിയപ്പോഴാണ് കവര്ച്ച നടന്നതായി കണ്ടെത്തിയത്.
കടകളുടെ ഷട്ടറുകളുടെ പൂട്ട് തകര്ത്താണ് മോഷണം നടന്നത്. പണവും സാധനങ്ങളും മോഷണംപോയതായി വ്യാപാരികള് പറഞ്ഞു. ബദിയഡുക്ക പോലീസും വിരലടയാള വിദഗ്ദരും സ്ഥലത്തെത്തി പരിശോധന നടത്തി.
Post a Comment