മഞ്ഞപ്പിത്തത്തിനിടെ കാസറഗോഡ് ജപ്പാൻ ജ്വരവും കണ്ടെത്തി.

ബ​ദി​യ​ഡു​ക്ക (www.truenewsmalayalam.com  Sept 10, 2019): മ​ഞ്ഞ​പ്പി​ത്തം വ്യാ​പ​ക​മാ​യി പ​ട​ർ​ന്നു​പി​ടി​ച്ച കാസറഗോഡ്  ജ​പ്പാ​ൻ​ജ്വ​ര​വും ക​ണ്ടെ​ത്തി​യ​തു ജ​ന​ങ്ങ​ളി​ൽ ആ​ശ​ങ്ക പ​ട​ർ​ത്തു​ന്നു. മ​ധൂ​ർ പ​ഞ്ചാ​യ​ത്തി​ലെ ഉ​ളി​യ​ത്ത​ടു​ക്ക എ​സ്പി ന​ഗ​റി​ലെ ആ​റു​വ​യ​സു​കാ​ര​നി​ലാ​ണ് ജ​പ്പാ​ൻ ജ്വ​രം ക​ണ്ടെ​ത്തി​യ​ത്. ക​ടു​ത്ത പ​നി​യും ഛർ​ദി​യും പേ​ശീ​വേ​ദ​ന​യു​മാ​യി കാ​സ​ർ​ഗോ​ട്ടെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച കു​ട്ടി​യെ തു​ട​ർ​ന്നു മം​ഗ​ളൂ​രു​വി​ലെ ഫാ. ​മു​ള്ളേ​ഴ്‌​സ് ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു.മംഗളൂരു ഫാദർ മുള്ളേഴ്‌സ് ആസ്ഗുപത്രിയിലെ ലാബിൽ നടത്തിയ പരിശോധനയിലാണ് ജപ്പാൻ ജ്വരം സ്ഥിരീകരിച്ചത്. 

രോ​ഗ​സ്ഥി​തീ​ക​ര​ണം ന​ട​ത്തി​യ​തി​ന്‍റെ അ​ടി​സ്ഥാ​ന​ത്തി​ൽ പ്ര​ദേ​ശ​ത്തെ 60 വീ​ടു​ക​ളി​ൽ ആ​രോ​ഗ്യ​പ്ര​വ​ർ​ത്ത​ക​ർ പ​നി സ​ർ​വേ ന​ട​ത്തി. കൊ​തു​ക് സാ​ന്ദ്ര​താ​പ​ഠ​ന​ത്തി​ന്‍റെ ഭാ​ഗ​മാ​യി വി​ദ്യാ​ന​ഗ​റി​ലു​ള്ള ജി​ല്ലാ വെ​ക്ട​ർ ക​ൺ​ട്രോ​ൾ യൂ​ണി​റ്റ് ന​ട​ത്തി​യ സ​ർ​വേ​യി​ൽ അ​പ​ക​ട​ക​ര​മാ​യ സാ​ഹ​ച​ര്യം ക​ണ്ടെ​ത്തി​യി​ട്ടി​ല്ല. പ​നി​യോ മ​റ്റു ല​ക്ഷ​ണ​ങ്ങ​ളോ ഉ​ള്ള​വ​ർ പ്ര​ദേ​ശ​ത്തെ ആ​രോ​ഗ്യ​പ്ര​വ​ർ​ത്ത​ക​രെ വി​വ​ര​മ​റി​യി​ക്ക​ണ​മെ​ന്ന് മ​ധൂ​ർ പ്രാ​ഥ​മി​കാ​രോ​ഗ്യ​കേ​ന്ദ്രം മെ​ഡി​ക്ക​ൽ ഓ​ഫീ​സ​ർ എം.​എ​ൻ. സ​ന്ധ്യ അ​റി​യി​ച്ചു. ഏ​താ​നും ദി​വ​സ​ങ്ങ​ൾ​ക്കു​മു​മ്പാ​ണ്  മധൂർ പ​ഞ്ചാ​യ​ത്തി​ലെ വിവിധ ഭാഗങ്ങളിലിൽനിന്നായി അറുപതിലധികം പേർക്ക്    മ​ഞ്ഞ​പ്പി​ത്തം സ്ഥി​രീ​ക​രി​ച്ച​ത്. രോ​ഗം നി​യ​ന്ത്ര​ണ​വി​ധേ​യ​മാ​കു​ന്ന​തി​നി​ട​യി​ലാ​ണ് ഉ​ളി​യ​ത്ത​ടു​ക്ക​യി​ൽ ജ​പ്പാ​ൻ ജ്വ​ര​വും ക​ണ്ടെ​ത്തി​യി​ട്ടു​ള്ള​ത്.