സാധനങ്ങൾ വാങ്ങാൻ കടയിൽ വന്ന യുവാവ് കടയിൽ നിന്നും 78000 രൂപ മോഷ്ട്ടിച്ച് കടന്നു കളഞ്ഞു
ബദിയഡുക്ക(www.truenewsmalayalam.com Sept 17, 2019)സാധനങ്ങള് വാങ്ങാന് കടയിലെത്തിയ യുവാവ് 78,000 രൂപ മോഷ്ടിച്ചു സ്ഥലംവിട്ടു. വിദ്യാഗിരി ശാസ്തനഗറിലെ ശശിധരന് നായരുടെ കടയില് നിന്നാണ് പണം കവര്ന്നത്.
25 വയസ് തോന്നിക്കുന്ന ആളാണ് സാധനങ്ങള് വാങ്ങാന് ശശിധരന്റെ കടയിലെത്തിയത്. സാധനങ്ങള് വാങ്ങിയശേഷം അരമണിക്കൂര് കടവരാന്തയില് ഇരുന്ന യുവാവ് പിന്നീട് സാധനങ്ങള് കടയില് തന്നെവച്ച് ഇപ്പോള് വരാമെന്ന് പറഞ്ഞിറങ്ങി. അല്പ്പസമയം കഴിഞ്ഞു വീണ്ടും കടയിലെത്തിയ യുവാവ് ഒരു കിലോ സവാള വേണമെന്ന് കടയുടമയോട് ആവശ്യപ്പെട്ടു. സവാള എടുക്കാന് കടയുടമ അകത്തെ മുറിയില് പോയപ്പോള് യുവാവ് പെട്ടെന്ന് മേശ വലിപ്പിലുണ്ടായിരുന്ന 78,000 രൂപയടങ്ങിയ ബാഗ് കൈക്കലാക്കി സ്ഥലംവിടുകയാണുണ്ടായത്.
കടയുടമ ബഹളംവച്ചു പിറകെ ഓടിയെങ്കിലും യുവാവ് അപ്പോഴേക്കും ബൈക്കില് രക്ഷപ്പെടുകയായിരുന്നു.
ഇതുസംബന്ധിച്ചു ശശിധരന് ബദിയഡുക്ക പോലീസില് പരാതി നല്കി.
Post a Comment