നദികളിലെ മണല്‍ വാരാനുള്ള സര്‍ക്കാര്‍ നടപടി സ്വാഗതാര്‍ഹം-ലെന്‍സ്‌ഫെഡ്
തുടര്‍ച്ചയായി ഉണ്ടായ പ്രളയത്തിലും ഉരുള്‍പൊട്ടലിലും ഒലിച്ചു വന്ന മണലും എക്കലും അടിഞ്ഞു കൂടി പുഴകളുടെ ആഴം കുറയുകയും സംഭരണശേഷി ശോഷിച്ച് വീണ്ടുമൊരു വെള്ളപ്പൊക്കത്തിന് വഴിവെക്കുമെന്നതിനാല്‍ സര്‍ക്കാരിന്റെ ഈ തീരുമാനത്തിന് ഏറെ പ്രസക്തിയുണ്ടെന്ന് യോഗം വിലയിരുത്തി.
പുഴമണല്‍ ശേഖരിക്കുമ്പോള്‍ പാലങ്ങള്‍ അടക്കമുള്ള നിര്‍മ്മാണ പ്രവര്‍ത്തനങ്ങളെ ബാധിക്കാതിരിക്കാന്‍ മുന്‍ കരുതല്‍ എടുക്കണമെന്നും സംഭരണം അതാത് തദ്ദേശ സ്വയംവരണ സ്ഥാപനങ്ങളിലൂടെ ഇ-മണല്‍ സമ്പ്രദായം വഴി വിതരണം ചെയ്യാനുള്ള നടപടികള്‍ കൈകൊള്ളണമെന്നും ആവശ്യപ്പെട്ടു.
ജില്ല പ്രസിഡണ്ട് പി. രാജന്‍ അധ്യക്ഷത വഹിച്ചു.
സെക്രട്ടറി ജോഷി, സി.എസ്. വിനോദ് കുമാര്‍, ഇ.പി. ഉണ്ണികൃഷ്ണന്‍, സജി മാത്യു, പി.കെ. വിജയന്‍, എന്‍.വി. പവിത്രന്‍ തുടങ്ങിയവര്‍ പ്രസംഗിച്ചു.
Post a Comment